Դրամաշնորհային հայտերի վերաբերյալ հայտադիմում Հայաստանում քաղաքացիական հասարակության կազմակերպությունների համար․ Ուժեղացնելով Արևելյան հարևանության տոկունությունը (BREN)

 

 

Բոլոր պահանջվող փաստաթղթերը հասանելի են այստեղ.

 

 

 

1. Նախապատմությունը և նպատակը

 

«Պատերազմի և խաղաղության լուսաբանման ինստիտուտը» (ՊԽԼԻ) ընդունում է հայտադիմումներ Հայաստանի քաղաքացիական հասարակության կազմակերպություններից՝ որպես «Ուժեղացնելով Արևելյան հարևանության տոկունությունը» (BREN II) ծրագրի մաս։

 

Մեծ Բրիտանիայի կողմից ֆինանսավորվող BREN ծրագիրը աջակցում է քաղաքացիական հասարակության այն գործողությունները, որոնք բարելավում են կանանց և մարգինալացված այլ խմբերի մարդկային անվտանգությունը։

2025-2027 թվականների համար Հայաստանում յուրաքանչյուր ծրագիր պետք է անդրադառնա ստորև նշված առնվազն մեկ թեմատիկ առաջնահերթության և կիրառի գենդերազգայուն, կոնֆլիկտազգայուն մոտեցում՝ միևնույն ժամանակ ապահովելով ներառականություն։

 

 

Թեմատիկ առաջնահերթությունները Հայաստանի համար

(Օգտագործեք այս ուղեցույցը ծրագրային գործողությունները ձևավորելու համար)

 

1. Կանայք, խաղաղություն և անվտանգություն (ԿԽԱ) 

• Գործողություններ և շահերի պաշտպանությանն ուղղված ջանքեր, որոնք ուղղված են ՄԱԿ-ի Անվտանգության խորհրդի թիվ 1325 բանաձևի շուրջ Հայաստանի Հանրապետության Գործողությունների ազգային ծրագրի դրույթների իրականցմանը, մշտադիտարկմանը և գնահատմանը, ինչպես նաև բյուջետավորմանը։
• Շահերի պատշանությանն ուղղված գործողություններ, որոնք իրականացվում են տեղական և կենտրոնական իշխանությունների հետ համատեղ և ուղղված են Հայաստանում ԿԽԱ օրակարգի առաջխաղացմանը։
• ՄԱԿ-ի Անվտանգության խորհրդի թիվ 1325 բանաձևի շուրջ Հայաստանի Հանրապետության Գործողությունների ազգային ծրագրի տեղայնացում Երևանից դուրս և հատկապես սահմանամերձ շրջաններում։
• Ամուր համագործակցության/կապերի/հաղորդակցության ստեղծում պետական գործիչների հետ՝ խաղաղության, կայունության և մարդկային անվտանգության գործընթացներում կանանց իմաստալից մասնակցությանը նպաստելու համար։
• Գործողություններ և շահապաշտպան արշավներ, որոնք ուղղված են անվտանգության/մարդկային անվտանգության և խաղաղության կերտման գործընթացներում կանանց մասնակցության մեծացմանը։

 

1. Տարբեր խմբերի ներգրավվածության մեծացում Հայաստանում խաղաղության և անվտանգության շուրջ քննարկումների և որոշումների կայացման գործընթացներում։

• Իրազեկման և կարողությունների զարգացման աշխատանքներ քաղաքացիական հասարակության կազմակերպությունների, կանանց կազմակերպությունների, երիտասարդ կանանց և աղջիկների և մարգինալացված խմբերի համար՝ Հայաստանում ԿԽԱ օրակարգի իրականացմանը նպաստող գործողությունների ստեղծման համար։
• ԿԽԱ օրակարգի, գենդերային հավասարության վերաբերյալ մեդիա նյութերի և հետազոտությունների, ուսումնական ծրագրերի և այլ նյութերի ստեղծում, որոնք կօգտագործվեն տարբեր դերակատարների իրազեկվածությունը բարձրացնելու համար։
• Լեռնային Ղարաբաղի հակամարտությունից անմիջականորեն տուժած, տեղահանված անձանց, հատկապես կանանց և աղջիկների կարիքների, փորձի և շահերի բացահայտմանը և պաշտպանությանն ուղղված գործունեություններ և արշավներ։
• Տեղահանված, ԼՂ հակամարտությունից անմիջականորեն տուժած կանանց, կանանց և աղջիկների համար ոչ ֆորմալ կրթական հնարավորություններ՝ խաղաղության և մարդկային անվտանգության հարցերի, ինչպես նաև ԿԽԱ օրակարգի վերաբերյալ իրենց գիտելիքները հարստացնելու համար։

 

 

 

2. Հնարավոր գործողությունները

 

ՊԽԼԻ-ն հաշվի կառնի այն ծրագրերը, որոնք կենտրոնացած կլինեն հետևյալ կետերից մեկի կամ մի քանիսի վրա․

• Նյութերի ստեղծում: հետազոտական, կրթական, կամ մեդիա։ Խրախուսելի են նորարարական մոտեցումները։
• Շահերի պաշտպանություն։ համագործակցություն կառավարության, տեղական իշխանությունների կամ համայնքային հաստատությունների հետ։
• Համայնքային աշխատանք: կանանց, փոքրամասնությունների, տեղահանված անձանց, փախստականների, երիտասարդների և այլ խմբերի կարողությունների և գիտելիքների զարգացում։
• Կարողությունների զարգացում: կազմակերպչական կամ շահագրգիռ կողմերի վերապատրաստում/աջակցություն։
• Ցանցային համագործակցություն: գործընկերություններ և կոալիցիաներ, որոնք կիսում են ռեսուրսները և խթանում փոփոխություններ։

 

Մեծապես խրախուսվում է դիմել․

 

• քաղաքացիական հասարակության այն կազմակերպություններին, որոնք առաջնորդվում են կանանց կամ երիտասարդության կողմից,
• քաղաքացիական հասարակության կազմակերպություններին, որոնք առաջնորդվում են տեղահանված, էթնիկ/կրոնական փոքրամասնությունների կամ այլ համայնքների կողմից,
• Երևանից դուրս, հատկապես սահմանամերձ մարզերում գործող քաղաքացիական հասարակության կազմակերպություններին,
• նոր ստեղծված կազմակերպություններին։

 

Համատեղ հայտեր

 

Գործընկերությունները ողջունելի են, մասնավորապես եթե․

 

• միավորում են մայրաքաղաքում և մարզերում գտնվող ՔՀԿ-ներին,
• միավորում են փորձառության տարբեր ոլորտներ,
• միավորում են ՔՀԿ-ները մեդիա կազմակերպությունների հետ,
• միավորում են մեծամասնության և փոքրամասնության  կողմից ղեկավարվող խմբերին,
• ներառում են գործընկերներ BREN ծրագրի այլ երկրներից (խնդրում ենք կապ հաստատել BREN II ծրագրի հայաստանյան համակարգող Քնարիկ Մկրտչյանի հետ [email protected] էլ․ հասցեով մինչև սուն թվականի օգոստոսի 1-ը հնարավոր գործընկերների հետ կապի դուրս գալու մասով աջակցություն ստանալու համար)։

 

 

 

3.Ի՞նչ է պահանջվում

 

Դիմորդները պետք է ցույց տան.

• հարգանք գենդերային հավասարության և բազմազանության նկատմամբ, կոնֆլիկտազգայուն և գենդերազգայուն մոտեցում,
• ռիսկերը նույնականացնելու, վերլուծելու և մեղմացնելու կարողություն,
• ծրագրերի և ֆինանսների կառավարման թափանցիկություն․
• այլ դրամաշնորհառուների հետ սովորելու և կիսվելու պատրաստակամություն,
• անաչառություն, կուսակցական կամ քաղաքական չեզոքություն
• կայունության հստակ ծրագիր (դրամաշնորհի ավարտից հետո իրականացված ծրագրի ազդեցության շարունակականության համար)։

 

Հաջողակ դիմորդները հնարավորություն կունենան մասնակցել BREN-ի ազգային/տարածաշրջանային ուսումնական միջոցառումներին և միգուցե անցնեն կազմակերպության կարողությունների և տոկունության գնահատում։

 

 

 

4. Հայտադիմումների փաթեթը

 

Էլեկտրոնային նամակով ուղարկեք (էլ․ նամակի Subject մասում նշել: BREN II-ABPG-2025-ARM-Org Acronym]) հետևյալ հասցեին [email protected]

1. լրացված հայտադիմումը (առավելագույնը 10 էջ),
2. բյուջեն՝ մանրամասներով (Excel),
3. հավելվածները․
   • կազմակերպության գրանցման վկայական,
   • ֆինանսական վերջին հաշվետվություն (աուդիտի ենթարկված կամ չենթարկված),
   • կազմակերպության կառուցվածք (Chart)/ անձնակազմի ցանկ,
   • պաշտպանության/safeguarding քաղաքականությունը կամ ստորագրված հանձնառությունը։

 

 

5. Գնահատում և ընտրություն

 

Հայտադիմումների գնահատումն իրականացվելու է երկու փուլով։ Առաջին փուլում կառանձնացվեն միավորների հետևյալ շեմը հաղթահարած հայտադիմումները․

Գնահատում	Միավոր
Հայտադիմումը հստակ է և մանրամասն, բոլոր անհրաժեշտ փաստաթղթերն առկա են, իսկ առաջարկվող ծրագիրն ակնհայտորեն համահունչ է BREN ծրագրի թեմատիկ առաջնահերթություններին։	8-10 միավոր
Հայտադիմումը հիմնականում պարզ է և պարունակում է բավարար տեղեկատվություն, հիմնական փաստաթղթերի մեծ մասն առկա է, իսկ առաջարկվող ծրագիրը հիմնականում համահունչ է BREN ծրագրի թեմատիկ առաջնահերթություններին։	5-7 միավոր
Հայտադիմումն անհասկանալի է կամ բացակայում են փաստաթղթեր, կամ թեմատիկ ուղղությունը չի համապատասխանում BREN ծրագրի թեմատիկ առաջնահերթություններին:	1-4 միավոր

 

ՊԽԼԻ-ն կարող է պարզաբանումներ խնդրել կազմակերպություններից:

 

Նվազագույնը 5 միավոր ունցող հայտադիմումները կներկայացվեն ընտրող հանձնաժողովի վերջնական դիտարկմանը։ Եթե ավելի քան 15 հայտեր ստանան նվազագույն 5 միավորը, ՊԽԼԻ-ն միգուցե բարձրացնի շեմը։

 

 

 

Վերջնական ընտրություն

 

Ընտրող հանձնաժողովը, որը բաղկացած է ՊԽԼԻ-ի և Հայաստանում Միացյալ Թագավորության դեսպանատան ներկայացուցիչներից, կգնահատի հայտադիմումները՝ հիմնվելով ստորև բերված աղյուսակում նկարագրված չափանիշների վրա: Ֆինանսավորման համար կընտրվեն ամենաբարձր միավորներ ստացած հայտադիմումատուները: Ֆինանսավորումը կախված կլինի ստուգման գործընթացներից։

Հ/Հ	Չափանիշ	Առավելագույն միավորներ
1.	Մրցույթի նպատակներին համապատասխան արձագանք Ծրագրի նախագիծը համապատասխանում է սույն մրցույթի նպատակներին և առաջարկում է համապատասխան լուծումներ Հայաստանում առկա մարտահրավերներին: Այն հիմնված է առաջարկվող թեմատիկ ոլորտների վրա և իր ներդրումն է ունենում դրանցում։	30
2.	Տեխնիկական մոտեցում Առաջարկվող ծրագրի նախագիծը ներկայացնում է իրավիճակի հստակ վերլուծություն, հատկորոշում է ծրագրի հստակ նպատակները, վերջնարդյունքները և գործողությունները, որոնք համապատասխան են միմյանց: Ծրագիրը կարող է իրականացվել չափավոր ռիսկերով:	30
3.	Կազմակերպության դիմակայունություն Ծրագիրը ցույց է տալիս, որ ծրագրի իրականացումը բխում է կազմակերպության շահերից և կօգնի կազմակերպությանը դառնալ ավելի դիմակայուն։	20
4.	Ծախսերի գնահատում Ծրագրի բյուջեն հստակ է և համապատասխանում է տեխնիկական մոտեցմանը։ Ներառված ծախսերը խելամիտ են և անհրաժեշտ են ծրագրի նպատակներին հասնելու համար։	20
Տեխնիկական առավելագույն ընդհանուր միավոր:		100

 

 

 

6. Դիմելու գործընթացը և ժամանակացույցը

 

Հետաքրքրված կազմակերպությունները կարող են լրացված հայտադիմումը և բյուջեի ձևաթուղթը, ինչպես նաև հավելվածներն ուղարկել հետևյալ էլեկտրոնային հասցեին։ [email protected]

 

Հայտադիմումները կարող են ներկայացվել հայերենով կամ անգլերենով (նախընտրելի լեզուն անգլերենն է, այնուամենայնիվ, հայտադիմումի լեզուն չի ազդի դրամաշնորհի հատկացման վերաբերյալ որոշման վրա):

 

Մենք խրախուսում ենք, որ պատմողական և ֆինանսական առաջարկները գրվեն  կազմակերպության աշխատակիցների կողմից:  Արհեստական բանականության (AI) օգտագործումը հասցնել նվազագույնի և օգտագործվի պատասխանատվությամբ և էթիկայի նորմերի շրջանակներում:

 

ՊԽԼԻ-ին իրեն իրավունք է վերապահում ավելի շատ կամ քիչ քանակությամբ դրամաշնորհներ տրամադրել՝ հիմնվելով ստացված հայտադիմումների որակի և ընտրության ժամանակ առկա համատեքստի վրա։

 

Ունե՞ք հարցեր։ Կապ հաստատեք Հայաստանում BREN ծրագրի համակարգող Քնարիկ Մկրտչյանի հետ [email protected] էլ․ հասցեով։  Հարցերի պատասխանները կտրամադրվեն մինչև 2025թ-ի օգոստոսի 5-ը։ Դրամաշնորհի մասին տեղեկատվական առցանց հանդիպումը տեղի կունենա սույն թվականի հուլիսի 29-ին, ժամը 11։00-13։00։ Հանդիպմանը գրանցվելու և մասնակցելու համար խնդրում ենք անցնել հետևյալ Զում հղմամբ։

 

 

7. ՊԽԼԻ-ի և BREN II-ի մասին

 

Պատերազմի և խաղաղության լուսաբանման ինստիտուտը (ՊԽԼԻ ) (iwpr.net) միջազգային ոչ առևտրային կազմակերպություն է, որը կառուցում է խաղաղություն և ժողովրդավարություն ազատ լրատվամիջոցների և տոկուն քաղաքացիական հասարակության միջոցով։

 

«Ուժեղացնելով Արևելյան հարևանության տոկունությունը 2»  (BREN-II) ծրագիրն իրականացվում է «Պատերազմի և խաղաղության լուսաբանման ինստիտուտ»-ի կողմից և ֆինանսավորվում է Մեծ Բրիտանիայի Արտաքին գործերի, համագործակցության և զարգացման նախարարության (FCDO) կողմից։

 

Սիրով սպասում ենք Ձեր նորարարական առաջարկներին, որոնք կնպաստեն Հայաստանում խաղաղությանը, անվտանգությանը և ներառականությանը։